Сериали экшн–полисии «Бесадо Фарёд Кун» аз имрӯз, 12 майи 2026, аз шабакаи iFilm2 пахш мешавад; силсилае бо достони нафасгир, ки ба шабакаҳои печидаи қочоқи маводи равонгардон ва паёмадҳои пинҳони он бар ҷомеа мепардозад.
Ин силсила ба нависандагӣ ва коргардонии Меҳдӣ Фахимзода дар қолаби як дроми амниятӣ сохта шуда ва талош дорад абъоди воқеӣ ва чандқабатаи ҷароими созмонёфтаро дар қолаби достоне пуркашиш ба тасвир бикашад. Тамаркузи асосии асар бар буҳрони маводи тақаллубӣ ва таъсироти маргбори он бар зиндагии мардум аст; буҳроне, ки дар зоҳир хомӯш аст, аммо дар амал ҷомеаро ба сурати густурда таҳдид мекунад.
Достон аз ҷое оғоз мешавад, ки маргҳои машкук дар шаҳр таваҷҷуҳи ниҳодҳои амниятӣ ва сиҳҳиро ҷалб мекунад. Қурбониён афроде ҳастанд, ки бар асари истеъмоли доруҳои тақаллубии маъруф ба «экс» ва «биринҷ» ҷони худро аз даст медиҳанд. Ин маргҳо бидуни нишонаҳои аввалия ва ба гунаи ногаҳонӣ рух медиҳад ва ҳамин мавзӯъ як парвандаи печида ва ҳассосро шакл медиҳад.
Дар маркази ин шабакаи хатарнок Чангиз Туронӣ қарор дорад; қочоқчии байналмилалӣ, ки бо истифода аз лабораторияи махфӣ, маводи хатарнокро бо таркибҳои ғайримеъёрӣ тавлид мекунад. Ин мавод пас аз вуруд ба бозор, босуръат таъсири маргбор бар бадани инсон мегузоранд ва занҷираи қурбониёнро ба вуҷуд меоранд.
Дар сӯи дигари достон, доктор Лайло Афхамӣ ҳамчун як доктор дар бемористони низомӣ, нахустин сарнахҳои илмиро кашф мекунад. Ёфтаҳои ӯ нишон медиҳад, ки ин маргҳо тасодуфӣ нест, балки натиҷаи харобкории як шабакаи созмонёфта мебошад. Ӯ ҳамроҳ бо сарҳанг Боқирӣ вориди раванди таҳқиқотии печидае мешавад, ки ба тадриҷ онҳоро бо абъоди густардаи фасод ва қочоқ рӯбарӯ месозад.
Ин тақобул миёни илм, амният ва ҷурми созмонёфта, меҳвари асосии силсиларо ташкил медиҳад. «Бесадо Фарёд Кун» нишон медиҳад, ки чӣ гуна як буҳрони пинҳон метавонад ба таҳдиде ҷиддӣ барои ҷомеа табдил шавад ва сохторҳои иҷтимоиро таҳти таъсир қарор диҳад.
Дар канори хатти асосии достон, силсила ба мавзӯъҳое чун заъфи огоҳии умумӣ, печидагии мубориза бо ҷароими фаромиллӣ ва нақши ниҳодҳои амниятӣ низ мепардозад. Ин рӯйкард асарро аз як ривояти сирфан экшн фаротар бурда ва ба як дроми иҷтимоӣ–амниятӣ табдил кардааст.
Дар бахши бозигарӣ, ҳузури чеҳраҳое чун Меҳдӣ Фахимзода, Муҳаммад Содиқӣ, Соро Хуйиниҳо, Фарибо Кавсарӣ, Комрон Тафтӣ, Лайло Бархурдорӣ ва Фарҳод Қоимён ба ин асар вазни вижае бахшидааст. Таркиби ин бозигарон фазои ҷиддӣ ва пуртаниши достонро тақвият кардааст.
Бар ин асос, силсилаи «Бесадо Фарёд Кун» ҳар рӯз соати 17:00 ба вақти Теҳрон, 18:00 ба вақти Кобул ва 18:30 ба вақти Душанбе аз шабакаи iFilm2 пахш мешавад; ривояте аз сукутҳое, ки дар дили худ фарёдҳои баланд доранд.
